FacebookTwitterGoogle+Google GmailShare

نارینه او “نارینتوب” ته یوه ژوره کتنه: په جنسیتي برابروالي کې د دوی فعاله مرسته

نارینتوب داسې تعریف شوی، چې خلک د نارینه وو په اړه څرنګه پېژندنه او پوهاوی لري. د دغې څېړنې ټولیزه موخه او هدف په افغانستان کې د نرینه والي په تړاو د بېلابېلو او متعددو مفاهیمو پېژندنه او همدارنګه د دې مسلې درک دی، چې دغه مفاهیم څرنګه د جنسیتي نابرابروالي له رامنځته کېدو سره مرسته کوي. څېړنې د هلکانو او نارینه وو ونډې، برابروالي، واک او کنټرول او د ښځو په وړاندې تاوتریخوالي ته رسېدنه کړې، چې په جنسیتي برابروالي پورې اړوند نارینتوب، او سولې او ټیکاو د پرمختیا په برخه کې اغیزمن لیدلوري دي.    

د دې اړتیا شته، چې د ښځو او نجونو لپاره په دواړو کورنۍ او ټولنیزو برخو کې د فرصتونو نابرابروالي ته رسېدنه وشي. افغانستان د ملګرو ملتونو د ۱۹۳ غړو هېوادونو د یو غړي په توګه مکلف دی، چې داسې پیاوړي پلانونه او پالیسۍ طرحې کړي، چې د ښځو او ماشومانو د ژوند د ښه والي لامل شي.

اړونده خپرونه