په افغانستان کې سیمه ییزه حکومتولي

دغه پروګرام چې د جرمني او افغان همکارانو لخوا پیل شوی، ډېر په وخت کار دی، ځکه چې زموږ په هېواد کې د حکومتولۍ د تګلارو په اړه بحث ته زمینه برابروي. څېړونکي او تګلاره جوړوونکي د حکومتولۍ په برخه کې د پرمختیايي همکارۍ د پیاوړي کولو په موخه د بحث او خبرو د ودې لپاره د شواهدو له مخې تر لاسه شوې پوهه او نظرونه ورسره شریکوي. د ۲۰۱۵ – ۲۰۱۶ کال لپاره د دغه پروګرام د شپږو غوره شویو موضوعاتو له ډلې یوه ” په افغانستان کې سیمه ییزه حکومتولي: د ولسوالیو او کلیو د استازیتوب اوسنی وضعیت او راتلونکی“ ده.
په دې څیړنه کې په افغانستان کې سیمه ییزې حکومتولۍ ته پېښې ننګونې او فرصتونه وړاندې کېږي. په دې څیړنپاڼه کې همداراز په افغانستان کې د کلیو او ولسوالیو د استازیتوب په اړه عملي شواهد او پایلې هم وړاندې کیږي. افغان حکومت د عامه چوپړونو په وړاندې کولو کې ښه والي راوستو ته ژمن دی. خو دا کار یوازې سیمه ییزې کچې ته د یو څه واک د ورکولو په صورت کې شونی دی. په حقیقت کې، د بیلګې په توګه د وخت په تیرېدو ولایتونو ته د ۴۰ سلنه پلان او عملي کولو د واک د لیږد په اړه پیاوړې سیاسي اراده شته.

زبان: pashto
تعداد صفحات: ۶۸
Also availabe in: English | dari