د افغانستان د څېړنې او ارزونې اداره، د هغو څېړونکو او کارپوهانو لپاره د څېړنې یوه نړبواله پېژندل شوې او معتبره سرچینه ده، چې د افغانستان په تړاو کار کوي. دغه اداره، پر هغو موضوعاتو او برخو څېړنه کوي، چې رسېدنه ورته ستونزمنه ده؛ له دې امله د شواهدو پر بنسټ زموږ کار، په محلي، ملي او سیمه ییزه کچه په افغانستان پورې اړوندو پیچلتیاوو د حل لپاره د حل لارې د موندلو په موخه د نویو ایډیاوو د وړاندې کېدو لامل ګرځي.

د افغانستان د څېړنې او ارزونې اداره، د پالیسي پاڼې لنډیزونه او تحلیلي څېړنپاڼې خپروي، ترڅو هغه پېچلې ستونزې، چې افغانستان ورسره مخ دي، په هراړخیزه توګه وڅېړي. له هغه ځایه چې دغه خپرونې په پښتو او دري ژبو هم ژباړل کېږي، نو زیات شمېر لوستونکي لري.