د الف څخه تر یا :د افغانستان لپاره مرستندوی لارښود ۱۳۸۹ کال،اتمه ګڼه

یوه بی سارې سرچینه د بی سارې شرایطو لپاره، د افغانستان لپاره د الف څخه تر یا مرستندوی لارښود هر کال نوی کیږی، د نوموړې لارښود موخه په هیواد کې د بیا رغونې او مرستو پورې اړوندو فعالینو، جوړښتونو او حکومتی بهیر په اړه د پوهاوی لوړول دی. دغه لارښود د مرستندویه اصطلاحاتو یوه پراخه لړۍ، د افغانستان د حکومتی سیسټم یوه ځغلنده کتنه، لومړنی مهم اسناد، او د پتو او اړیکو یو پراخ لارښود چې په کې دولتی سازمانونه، غیر دولتی موسسې او نړیوال فعالین شامل دی وړاندې کوی. نوموړی لارښود سر بیره په پښتو په انګریزی او دری ژبو هم خپریږی. د ۱۳۸۸-۱۳۸۹ لمریز کال ګڼه لاندې مطالب رانغاړی: د اصطلاحاتو یوه پراخه برخه، د افغانستان د ټاکنیز سیسټم په اړه مفصلې څرګندونې همدا راز د ۱۳۸۸/۱۳۸۹ کلونو د ټاکنیز بهیر بیاکتنه او شننه، او ډول ډول نوې نخشې چې د لومړی ځل لپاره د افغا نستان د جیودیزۍ او کارټوګرافۍ د مرکزې ادارې له خوا برابرې شوې دی.