په افغانستان کې حکومتولۍ ته یوه کتنه

په افغانستان کې دولتی اصلاحات یوه نوې پدیده نه ده، بلکې د افغانستان په عامه اداره کې د یو پیاوړی سیستم رامنځته کول، هغه اوږده لړۍ ده، چې د افغانستان دولت او نړیوالې ټولنې ترمنځ په دوامدارو، پیاوړو او همغږو همکاریو پورې تړلی دی. په افغانستان کې د دولتی اصلاحاتو پلی کول، د افغانستان د شرایطو په اړه سمپوهاوی ته اړتیا لری. د افغانستان جغرافیایی شرایط ډیر سخت دی، دلته قومی اختلافونه، مذهبی ناندرۍ، نارینه واکمنه ټولنه، ځوان نسل، د رهبرۍ بېلابېلې کړنلارې او د جګړو او لانجو دوام هغه څه دی، چې د دغو شرایطو یو روڼ انځور وړاندې کوی. پیاوړی نا رسمی فیوډالی او له پاسه ښکتې خوا ته د حکومتولۍ مکانیزم، هغه څه ډیر ننګوی، چې افغان دولت یې د اداری ریفورم تر عنوان لاندې وړاندې کوی؛ همدا راز دغه چاره د قانون پلی تابه او حاکمیت له ستونزو سره مخامخ کوی.