افغان ملی پوځ: له مالی اړخونو هاخوا د پایښت پر وړاندې پرتې ننګونې

افغان ملی پوځ په عامه توګه له ۲۰۰۱ کال راوروسته په افغانستان کې که تر ټولو پیاوړی نه وی نو د پیاوړو بنسټونو له ډلې خو ضرور منل کېږی. خو بیا هم د افغان ملی پوځ پر خپلو پښو د درېدو او په ستره کچه د بهرنیو مرستو د کمېدو په صورت کې له دښمنانو سره په بریالیتوب د مخامختیا د وړتیا ازمېښت په ۲۰۱۳ کال کې یوازې پیل شو او دا یو داسې مهال دی، چې بهرنی ځواکونه له دغه هېواده د وتلو په درشل کې دی. دا څېړنه ښیی، چې په افغان ملی پوځ کې لا هم داسې پرېکنده کمزورۍ او نیمګړتیاوې موجودې دی چې د روانې جګړې د کابو کولو یا د وسله والو د ماتولو په برخه کې د دغه بنسټ هڅې له خنډونو سره مخامخولای شی.