ناهیلیتوب یا امیدواری؟ له (۲۰۱۴م) کال څخه وروسته په افغانستان کې د کوکنارو کښت

دا چې له ۲۰۱۴م کال څخه وروسته به د آفینو اقتصاد په افغانستان کې کوم لوری ته ځی، د هیواد د نورو سکټورونو په څیر په ګڼ شمیر فکټورونو پورې تړاو لری (له ۲۰۱۴ م کال څخه وروسته به په افغانستان کې د آفینو اقتصاد په ګڼ شمیر فکټورونو پورې تړاو ولری). ناهیلې شوی کسان د تریاکو په کښت کې دریمې برخې زیاتوالی ته اشاره کوی چې په ۲۰۱۳م کال کې د افینو د تولید کچه د هیواد په تاریخ کې ساری نه لری. نوموړی کسان وایی چې د هیواد اقتصاد ورځ په ورځ کمزوری کیږی، په کلیوالو سیمو کې ناامنی مخ په زیاتیدو ده، نړیوالې مرستې مخ په کمیدو دی او سیمه ایز واکمنان د ملاتړ د بدیلو زیرمو په لټه کې دی، له همدې امله داسې فکټورونه نه ترسترګو کیږی چې له اوسنۍ "بې سارې" کچې څخه د آفینو د تولید د زیاتیدو مخنیوی وکړی.