په افغانستان کې جنسیتی ځواب ویونکې بودجه جوړونه: د پرمختګ په حال کې چاره

جنسیتی ځواب ویونکې بودجه جوړونې پروسه، د یو هیواد په عامه مالی اداره کې د جنسیت لید د ځای پرځای کولو په موخه ترسره کېږی. دغه څیړنه پر دې فرضیې بنسټیزه شوې، چې دولتی بودجه جنسیتی ماهیت نه لری او په واقعیت کې د عامه عوایدو او عامه لګښتونو په تړاو د دولت پالیسۍ، پر ښځو او نارینه بیلابیلی اغیزې لری جنسیتی ځواب ویونکې بودجه جوړونه په افغانستان کې د لومړی ځل لپاره د ملګرو ملتونو د پرمختیایی او د ښځو لپاره د ملګرو ملتونو دفتر په تخنیکی ملاتړ، د مالیې وزارت له خوا معرفی شوه. که څه هم، د جنسیتی ځواب ویونکې بودجه جوړونې د تګلاریز کاری پلان او د جنسیتی بودجه جوړونې د لارښود د پرمختیا په ګډون، دغه لړۍ پراخې او بیلابیلی لاسته راوړنې لری، خو بیا هم پر دغه موضوع اوس هم زیات کارونه جریان لری.