په افغانستان کی قضایی بیاکتنه یو نیمگړی عمل

قضایی بیاکتنه د یوې محکمې یا ورته نهاد ځواک دی چې قوانین او عامه لایحې تر کتنې لاندې نیسی او له اساسی قانون سره د هغو د سموالی په باب پرېکړه کوی. که څه هم مربری فون ماډیسن د امریکا په متحده ایالاتو کې د دې فعالیت پیل په گوته کوی، د دویمې جهانی جگړې څخه په وروسته موده کې قضایی بیاکتنې په اروپا کې عمومیت پیدا کړ. له دغه وخته راهیسې دغه عمل د نړۍ په ټولو برخو کې په چټکی سره وده وکړه. نن ورځ، نژدې ټول اساسی قوانین قضایی بیاکتنه له قانون سره د مطابق حکومت او د قانون د واکمنی د یوه بنسټیز عنصر په څېر پېژنی. له دې امله قضایی بیاکتنه د اوسنیو اساسی قوانینو په یوه حتمی جز باندې بدله شوې ده.