په افغانستان کې د بحران په وړاندې د اروپایی اتحادیې د غبرګون ارزونه

اروپایی اتحادیه د خپلو غړو دولتونو سره د افغانستان لپاره کلیدی مرسته کونکی دی چې له کال ۲۰۰۲ څخه تر کال ۲۰۱۰ پورې یې له افغانستان سره نژدې ۸ ملیارد یورو مرسته کړې. له نړیوالو همکارانو سره په ګډه، اروپایی اتحادیې د ټینګښت او بیا رغونی په  هڅو کې ډېره مهمه ونډه درلوده. په ۲۰۰۱ کال کې د طالبانو د واکمنی له نسکورېدو وروسته، نړیوالی ټولنی له بیلابیلو افغانی، سیاسی نخبه ګانو سره یو ځای په بن کې د ملګرو ملتونو په کنفرانس کې راغونډ شول او په پایله کې یې د بن تړون تصویب کړه. دې تړون په افغانستان کې موقته اداره وټاکله او دغه راز نړیوال پوځی ځواکونه یې وګمارل چې د کابل او نورو ولایتونو د امنیت په برخه کې له نوې اداری سره مرسته وکړی. اروپایی اتحادیی او د هغی غړو دولتونو تړون وکړه چې له افغانستان سره د قانون د واکمنی د یوه پیاوړی چوکاټ په تاسیسولو کې مرسته وکړی.