پیوستون، پیاوړتیا او زړورتیا: په افغانستان کې د ښځو سیاسی ګډون

په افغانستان کې، نارینه پریکړې کوی حال دا چې ښځې د تصمیم نیونې په بهیرونو کې ونډه نلری. دغه په دولتی ډګر کې هغه ډیر اوریدل شوی او محسوس روایت دی چې په هغو کیسو کې انعکاس موموی چې افغان ښځې یې د پالیسی اړوند غونډو کې د محرومیت، ارتقا نه ورکولو، په کارځای کې ځورونې، د رایو سپارښتنې او یا هم په کور دننه د کورنیو مهمو مسایلو د اړوند بحثونو له ناستو څخه د محرومیت په هکله بیانوی. خو بیا هم دغه روایت د ښځو د ستونزو وضعیت د انځور یوه برخه ده. افغان ښځې په کور دننه او په کارځای کې هر ورځ له نوموړو ستونزو سره لاس او ګریوان دی، په داسې حال کې دوی یو شمېر پیچلې ستراتیژۍ ګانې او وسیلې رامنځته کوی او ورباندې تکیه لری ترڅو په مرسته یې د خپل نفوذ او اغیز لپاره زمینه برابره کړی.