لــه بدیلــې پرمختیا ســره د ســوداګریزې کرنې تړاو: د افغانســتان د قانونــی او غیرقانونــی توکــو لپــاره د بازارموندنــې ازمویل شــوې نسخې

دا راپور د کرنیزې ودې او کلیوالی پرمختیا پروګرام یا کارډ- اېف(CARD-F) ماهیت راسپړی. د دې سپړنې اصلی پوښتنه دا ده، چې د یادې پروژې بېلا بېلو ذیدخل اړخونو خپلو فعالیتونو او د هغوی اغېزو ته په کومه سترګه کتلی او نتایج یې څنګه ارزولی. ورپسې، د پروژې منطق ته ځلغند نظر اچوو او په افغانستان کې پر نشه یی توکو او پرمختیایی پروسو د دې پروژې اغېزې هم څېړو. دا راپور د کارډ - اېف مهمو پروژوی اسنادو، له نشه یی توکو سره د مبارزې پالیسیو او په دې برخه کې د مخکېنیو څېړنو له مخې لیکل شوی دی. له همدې اسنادو په ګټې اخېستنې د کارډ - اېف بېلا بېلو اړخونو د هغوی له ډلې په پلازمېنه کابل کې د پروګرام کارکوونکو، عملی کوونکو، ولایتی چارواکو، خصوصی پانګه‌والو او د ولسوالیو دغه راز کلیو په کچه د پروژې له ګټو د مستقیمو او غیرمستقیمو برخه‌والو لپاره پوښتنې طرحه شوی دی. ساحوی ارزونې د بدخشان په خاش او د ننګرهار په بهسودو او کامې ولسوالیو کې ترسره شوې، ځکه په یادو ولسوالیو کې دا پروژه عملی شوې ده.