په جګړه کې حلوا نه وېشل کیږی: له ۲۰۰۱ زیږدیز کال راوروسته په افغانستان کې د انتقالی عدالت د ځوابونو او تګلارو ارزونه

د تېرو ۴۰ کلونو په ترڅ کې د افغانستان په جګړه کې د ښکېلو خواوو له ډلې هرې یوې یې اساسی بشری حقوق یا نړیوال بشردوستانه حقوق تر پښو لاندې کړی دی. دا هغه ترېخ واقعیت دی، چې د هېواد بڼه یې بدله کړې او د بین الافغانی مذاکراتو لومړنی پړاوونه تر خپل اغېز لاندې راولی. د بن ۲۰۰۱ زېږدیز کال تړون له بشری حقونو د سرغړونې او جګړه ییزو جرمونو په سیستماتیک ډول پېژندلو ارزښت ته اشاره کړې ده او د افغانستان بشری حقونو خپلواک کمېسیون له رامنځ ته کولو یې هم یادونه کړې ده، چې یاد کمېسیون د انتقالی عدالت په باب یو لړ نوښتونه هم کړی دی. پردې سربېره له یاد هوکړه لیک راوروسته جګړه ییزو جرمونو ته د لاسرسی مروجه تګلاره د تېر هېرولو او پر راتلونکی تمرکز کولو (تېر په هېر) ده.