موږ څوک یو

زموږ شالید

د افغانستان د څېړنې او ارزونې اداره یو کابل مېشت خپلواک څېړنیز بنسټ دی، چی پر ۱۳۸۱ کال په افغانستان کې د نړیوالې ټولنې په مرسته جوړ شوی دی. د افغانستان د څېړنې او ارزونې ادارې ماموریت دا دی، ترڅو د شواهدو پر بنسټ په لوړ کیفیت او پالیسۍ پورې اړوندې څېړنې ترسره او په فعاله توګه یې پایلې خپرې او د څېړنې او زده کړې کلتور ته وده ورکړی.

د افغانستان د څېړنې او ارزونې اداره، د خپلې موخې د ترلاسه کولو په موخه په افغانستان کې له پالیسی جوړوونکو، د مدنی ټولنی فعالانو، څېړونکو او پرمختیایی مرستندویو ټولنو سره په فعاله توګه اړیکه نیسی او ورسره کار کوی، ترڅو د نوموړی ادارې له خپرونو او کتابتون څخه د ګټې اخیستنې لړۍ پراختیا ومومی او د هغوی د څېړنې وړتیا پیاوړی او د څیړنی، بحث او مباحثې لپاره لاره هواره شی.

د افغانستان د څېړنې او ارزونې اداره، د هغه مدیره پلاوی له خوا اداره کېږی، چې د مرستندویو سازمانونو، سفارتونو، ملګرو ملتونو سازمان او نورو څو اړخیزو ادارو، افغان مدنی ټولنو استازی او خپلواک کارپوهان په کې ګډون لری.

د افغانستان د څېړنې او ارزونې ادارې اصلی مرستندوی د سویډن د نړیوالې پرمختیا د همکارۍ سازمان (SIDA) دی. پر ۱۳۹۸ کال د دغه ادارې ځانګړی پروژې د اروپایی ټولنې (EU)، د ناروې د نړیوالو چارو د انستیتوت(NUPI)، د ختیځو او افریقایی څېړنو مرکز (SOAS) او د بریتانیا د اقتصادی او ټولنیزو څېړنو ټولنې (ESRC-UK)، د ښځو په چارو کې د ملګرو ملتونو ادارې (UN-Women)، د ماشومانو د ژغورنې نړیوال سازمان، او د بریتانیا د متحده خدمتونو سلطنتی موسسې (RUSI) له خوا مرسته کیږی.

د افغانستان د څېړنې او ارزونې اداره، د یو شمېر نړیوالو پرمختیایی کنسرسیومونو لکه د ریسولف شبکې، د نړیوالو ننګونو د څېړنې صندوق(GCRF)، د خوندی معیشتونو د څېړنې کنسرسیوم (SLRC) او د شخړې او ناورین میکانیزم لپاره د اروپایی ټولنې د ټوله ایزې کړنلارې د شخړې د حساسیت سپړنې (EUNPACK)، غړیتوب لری.

د افغانستان د څیړنې او ارزونې اداره د پنسلوانیا نړیوال پوهنتون د ۲۰۱۷، ۲۰۱۸ او ۲۰۱۹ میلادی کلونو راپور په اساس په افغانستان کې د غوره څیړنیز بنسټ په صفت لمړۍ درجه شوه.
راپور همدا راز یاده اداره په منځنۍ آسیا کې د دریم مقام لرونکې ښودلی.
په ۲۰۱۸ میلادی کال کې د انګلیسان Prospect Magazine, د افغانستان د څیړنې ارزونې اداره د غوره ځیړنیز بنسټ په صفت وپیژنده.

ارزښتونه

د یو څېړنیز بنسټ په توګه د افغانستان د څېړنې او ارزونې ادارې ارزښتونه د (FRAME) لنډیز په دننه رانغاړل شوی دی.

نرمښت منونکی او بیطرفی: د افغانستان د څېړنې او ارزونې ادارې تر ټولو غوره چاره، د افغانستان ډینامیکو شرایطو ته ځواب ویل دی. دغه چاره د نړۍ په لر او بر کې د علمی څېړنو پر بنسټ ترسره کېږی، خو پخپله د افغانستان په دننه ټول معلومات او پوهاوی د شواهدو پر بنسټ څېړنه کې متمرکز وی.

پاېښت او ټینګتیا: د افغانستان د څېړنې او ارزونې اداره تر ډېر له داسې کاری چاپېریالونو سره مخ ده، چې فزیکی او روانی ګواښونه دواړه په کې موجود وی. په دې توګه دغه اداره له خطر سره د مخامخ کېدو په صورت کې په عامه توګه باید ډېر نرمښت منونکې او پاېښت لرونکې وی- خو د خپلو کارکوونکو د خوندیتوب او هوساینې د ډاډمنتیا ټولې لارې چارې تر لاس لاندې لری.

پاېښت او ټینګتیا: د افغانستان د څېړنې او ارزونې اداره تر ډېر له داسې کاری چاپېریالونو سره مخ ده، چې فزیکی او روانی ګواښونه دواړه په کې موجود وی. په دې توګه دغه اداره له خطر سره د مخامخ کېدو په صورت کې په عامه توګه باید ډېر نرمښت منونکې او پاېښت لرونکې وی- خو د خپلو کارکوونکو د خوندیتوب او هوساینې د ډاډمنتیا ټولې لارې چارې تر لاس لاندې لری.

دوه اړخیزه درناوی او ګډون: دغه اداره د داسې کاری چاپېریال رامنځته کېدو ته ژمنه ده، چې په کې د ټولو کارکوونکو نظریو او لیدلورو ته درناوی کېږی او دا د هغې رنګارنګی ښکارندویی کوی، چې په عامه توګه د یو ملت منعکس کونکې ده. موږ ډاډ ورکوو، چې ټولې ترسره شوې څېړنې او چمتو شوې خپرونې به د څېړنې موضوعاتو او ښکېلو ټولنو ته د درناوی د اصل پر بنسټ وی.

لوړتیا: د افغانستان د څېړنې او ارزونې اداره ژمن ده، له دې پرته، چې د ادارې خپلواکی او ناپیلتوب زیانمن شی، د ټولیزې هڅې او فکری پاملرنی له لارې په ډېر لوړ کیفیت څېړنې چمتو او وړاندې کړی.

لیدلوری

 

د افغانستان د څېړنې او ارزونې ادارې لیدلوری داسې یو افغانستان دی، چې هلته د پالیسۍ اړوند تصمیمونه د هغو شواهدو، پرانېستو بحثونو او پراخو ټولیزو پوهاویو پر بنسټ نیول کېږی، چې باور کېږی، په غوره توګه د افغانستان د خلکو د لومړیتوبونو منعکس کونکی دی او د وړ او مناسبو پالیسیو او پروګرامونو د جوړېدو لامل ګرځی.

ماموریت

 

د یو مخکښ غیرانتفاعی او ناپیلی افغان څېړنیز بنسټ په توګه زموږ ماموریت دا دی، چې د پالیسۍ او تګلارې په برخه کې معلومات چمتو او د لوړ کیفیت څېړنو په ترسره کولو سره پوهاوی او معلومات وړاندې کړو، ترڅو په افغانستان کې د څېړنې او زده کړې کلتور وده وکړی او د شواهدو پر بنسټ څېړنې لپاره غوښتنه او غوښتنی وهڅول شی.

ډاکټره اورځلا نعمت

 رئیسه

د ادارې د رییس پیغام

 

زه خوښه یم، چې د افغانستان د څېړنې او ارزونې اداره تاسې ته معرفی کوم. زه د هغو څېړنو د پراخو اغېزو شاهده یم، چې په دغه اداره کې ترسره شوې دی. د افغانستان د څېړنې او ارزونې اداره، د خپل څېړنیز کار له لارې هڅه کوی، بحثونه او مباحثی تر لاس لاندې ونیسی او د پالیسیو پر پلیتابه اغېزمن شی، چې دا ټولې چارې، د یو ښه افغانستان د جوړېدو لپاره خدمت کوی.

د لومړنۍ افغانی ښځې په توګه، چې د افغانستان د څېړنې او ارزونې اداره لارښونه کوی، زه د دې امتیاز لرم، چې په داسې یو سازمان کې کار وکړم، چې د ګډون پرمختیا یې له اصلی ارزښتونو څخه دی. په دغه اداره کې مې د کار په موده کې، تر ټولو ستر لومړیتوبونه مې دا دی، چې په کاری چاپېریال او همدارنګه زمونږ په کار کې، د ګډون او تنوع اصل ډېر جوت وی. دغه موخې ته د رسېدو لپاره، مونږ دا ډاډمنو، چې زمونږ څېړنې په افغانستان کې د رنګارنګی منعکس کونکې دی. برسیره پر دې، دا ډاډ منو، چې زمونږ ټول کارونه له نړیوالو معیارونو سره سم او نړۍ ته د لاسرسی وړ دی او په ځانګړې توګه په دری او پښتو ژبو کی د ژباړنې له لارې ټولو افغانانو ته د لاس رسی او پوهېدو وړ دی. د افغانستان د څېړنې او ارزونې اداره، په افغانستان کې د بدلون په حال چاپېریال سره د تطبیق او سمون تیا وړتیا لری. له هغه ځایه، چې په هېواد کې سیاسی، امنیتی او ټولنیز چاپېریال د تېرو کلونو په لړ کې بدلون موندلی دی، مونږ پر شپږو مهمو څېړنیزو ستراتیژیکو برخو په تمرکز سره، چې د هېواد تر ټولو مهمې اغېز لرونکې ستونزې منعکس کوی، دغه وضعیت ته ځواب وړاندې کړی دی. دغه چاره مونږ ته اجازه راکړې، چې پروخت او په لوړ کیفیت سره خپرونې خپرې او د کارپوهانو او نورو سیمه ایزو او نړیوالو ګډونوالو په ګډون ورکشاپونه جوړ او د هېواد روانو ننګونو ته د رسېدو په موخه خپلې موندنې او وړاندیزونه په پام وړ فورومونو کې وړاندې کړو. د افغانستان د څېړنې او ارزونې په اداره کې، مونږ په افغانستان کې د څېړنې کلتور پرمختیا او وده ورکولو ته کار کوو. مونږ دغه چاره، له دې څخه د ډاډ ترلاسه کولو له لارې ترسره کوو، چې د افغانستان د څېړنې څانګې د ټولو برخو د څېړنیزو وړتیاو د ودې په درشل کې یو. برسیره پر دې مونږ په دوامداره توګه په افغانستان کې له اکاډمیکو ادارو سره کار کوو، ترڅو ډاډ ترلاسه کړو، چې د پوهنتونونو زده کوونکی کولی شی، له هغو سرچینو څخه ګټه واخلی، چې د افغانستان د څېړنې او ارزونې اداره یې په خپله څېړنیزه محدوده کې یې وړاندې کوی.
افغانستان پر ۱۳۹۸ کال، له ناورینو ډک کال ته دننه کېږی، داسې کال، چې مهمې سیاسی، امنیتی او ستراتیژیکې ننګونې به په کې راڅرګندې شی. دغه ناڅرګند وضعیت ته په پاملرنی سره، دا یوازی زما ماموریت دی، چې د افغانستان د څېړنې او ارزونې ادارې د څېړنیزو موضوعاتو تمرکز پر هغه مهال وساتل شی، چې ډېر زیات د شواهدو پر بنسټ څېړنو ته اړتیا لری، ترڅو وار له مخکې، پالیسی جوړوونکو ته معلومات وړاندې شی او هغوی تر خپلې اغېزې لاندې راوړی.

زمونږ ټیم

ډاکټره اورځلا نعمت

رئیسه

“ډاکټره اورځلا نعمت په نړیواله کچه یوه پیژندل شوې فعاله او څیړونکی ده. نوموړې، د ټولنپوهنې کارپوهه او خپل دوکتورا سند یې د پرمختیایی څیړنو په برخه کې د لندن پوهنتون د (SOAS) له پوهنځی څخه او ماستری سند یې په پرمختیایی پلان جوړونه کې د لندن له (UCL) څخه ترلاسه کړی دی. نوموړې په هیواد کې د جګړو د کلونو پرمهال، په پاکستان کې د کډوالی ۱۴ کلنه تجربه لری. خو له دې سره سره، هغې هڅه وکړه، د خپل مسلک په پراختیا سره، په خپل وضعیت کې ښه والی راولی. په ورته وخت کې، ډاکټرې نعمت، د ښوونیزو پروګرامونو، ښوونځیو په جوړولو، له تاوتریخوالو د زیانمنو شویو ښځو څخه په ملاتړ او د ماشومانو لپاره د سولې په ټینګښت، د ټولنې له محرومو کسانو سره مرسته وکړه. نوموړې د خپل ژوند په تیرو ۱۴ کلونو کې له بیلابیلو خلکو، ملی او نړیوالو سازمانونو سره کار کړی دی. هغې په بیلابیلو پرمختیایی سازمانونو او حکومتی ادارو کې دنده ترسره کړې او د افغانستان او افغانی ښځو په استازیتوب یی په زیات شمیر نړیوالو او ملی کنفرانسونو او ناستو کې ګډون کړی دی. ډاکټره نعمت پر۱۳۸۸ کال د ځوانانو په نړیواله مجمع او پر ۱۳۸۸
د (Yale Greenberg World Fellows) په برنامه کې د نړۍ د ځوان رهبر لقب خپل کړ. همدارنګه نوموړې د ښځو د زده کړې په برخه کې د) (Isabel Ferror جایزه او د ماشومانو او ښځو لپاره د بشرپالو مرستو په برخه کې د بښنې نړیوال سازمان جایزه ترلاسه کړه. ډاکټرې نعمت د خپلو زده کړو تر بشپړولو او په SOAS پوهنتون کې په نړیوالو پرمختیایی کورسونو کې تر تدریس وروسته، بیرته کابل ته راستنه او د سیمه ییزې حکومتولۍ په برخه کې د ولسمشر د سلاکارې په توګه یی دنده ترسره کړه.”

orzala@areu.org.af

ډاکټر نیشنک موټوانی

مرستیال

ښاغلی نیشنک، د شخړې، امنیت او دیپلوماسۍ برخه کې، چې تر ډېر وخته پر افغانستان او سیمه تمرکز لری، کار کوی. نوموړی په هغو پروژو کې کار کوی، چې د نړیوالو سازمانونو له خوا مرسته اخلی او د ستراتیژۍ د پرمختیا او پلیتابه، ښکېل تیا او تعامل او په افغانستان کې د کار په برخه کې پروګراماتیکو ننګونو ته د ځواب ویلو په برخه کې مسوول دی. د هغه څېړنې، له پولو بهر شخړو سیمه ایز ډینامیکونه څېړی، چې تر ډېره د افغانستان پر شخړو، د سیمه ایزو همکارۍ لپاره د باور جوړونې کړنلارې پر جوړولو، د تاوتریخوالی له فعالانو لکه طالبانو سره خبرو اترو او اټومی ستراتیژۍ باندې تمرکز لری. نوموړی، د سیاست او نړیوالو اړیکو په برخه کې خپله دوکتورا د نیو سویټ ویلس له پوهنتون او د ماسترۍ دوه سندونه د دیپلوماسۍ او ستراتیژیکو څېړنو په برخو کې د استرالیا له ملی پوهنتون څخه ترلاسه کړی دی. همدارنګه د خپل لیسانس سند یې د اقتصادی علومو په برخه کې د بوستن له نارت ایسترن څخه ترلاسه کړی.

nishank@areu.org.af

محمد حسن وفایی

د څېړنې د برخې مسوول

ښاغلی وفایی، د افغانستان د څېړنې او ارزونې په اداره کې د څېړنې د منیجر په توګه کار کوی، همدارنګه نوموړی د ۱۵ کلونو لپاره د حکومتولی، جنسیت، ټولنیز خوندیتوب، دموکراتیزه کولو او د ټولنیزې پرمختیا موضوعاتو په برخه کې کار کړی دی. نوموړی، د سیاسی علومو په څانګه کې د خپل لیسانس او ماسترۍ سندونه له کاتب پوهنتون څخه ترلاسه کړی او په کابل کې د ګوهرشاد د لوړو زده کړو په موسسه کې تدریس کړی. وفایی، په کابل کې د اروپا له دیپلوماتیک ماموریت او همدارنګه نړیوالو غیردولتی موسسو لکه نړیواله دموکراسی او له هېواده بهر پرمختیا انستیتوت سره د سیاسی سلاکار په توګه کار کړی دی. هغه د افغانستان په بېلابېلو برخو کې پراخ سیمه ایز کارونه ترسره کړی او د افغانستان پارلمان او ټاکنو، د پارلمانی او ولسوالۍ شورا ټاکنو د پارلمان د غړو د لیدلورو او د ټولنیزې پرمختیا له لارې د معیشت د بیارغونې په تړاو ګڼې مقالې لیکلی.

wafaey@areu.org.af

احمدمسعود

د اطلاعاتو او عامه اړیکو مسوول

احمد مسعود، د افغانستان د څېړنې او ارزونې ادارې د اطلاعاتو او عامه اړیکو د مدیر په توګه دنده ترسره کوی. هغه په ملی او نړیواله کچه له بېلابېلو سازمانونو سره د اطلاعاتو او عامه اړیکو او پالیسۍ په برخو کې ۱۲ کلنه کاری تجربه لری. ښاغلی مسعود، د پالیسۍ عملی وړاندیزونو او همدارنګه د پالیسۍ څیړنو د پرمختیا لپاره د ستراتیژیو د پرمختیا او پلیتابه د تسویدولو په برخه کې په بریالی توګه مرسته کړې ده.

ښاغلی مسعود، په عامه مدیریت کې ای. ایم. بی سند او همدارنګه د آزاد ژورنالیزم او لیکوالی په برخو کې یوه افتخاری دیپلومه لری. د ښاغلی مسعود، څیړنیزی راپورونه او داستانی لیکنې د نړۍ په ګوټ ګوټ کې په چاپی او پرلیکه رسنیو کې خپاره شوی دی.

masoud@areu.org.af

x